صلي عليک مليک السماء
صلى عليك مليك السماء
جسم صريع بالعراء مقطع الاعضاء
سليب حسين
غريب ياحسين
مو آيه وحده بهذي نزلت آيات بها الكتاب يصرح
شما بالسما و بالارض من مخلوقات بإسم الإله تسبح
معناها يشعر عالم الموجودات باليحزن و باليفرح
و بهالشعور عليك ناحت كل ذات و وادي الطفوف يوضح
بكى عليك ضمير الجماد ثم ارتدى ثوب الحداد يا مبكيه الاطواد
عجيب حسين
غرييب يا حسين
اول اصواب الحجر لمن صابه ذاك الجبين اتهشم
هذا الحجر ظل ينحب على مصابه و اصبح جبينك مأتم
سهم المثلث سجد يم اعتابك ادى التحيه و سلم
و من صاب كبدك ظل يحن لصوابه المك و هو اتالم
شابت عليك رؤوس النبال و بكتكه صارية القتال من محجر هضال
حبيب حسين
غريب يا حسين
لمن طحت و استقبلت وجه الله دم الجروح الترعف
تعناك شمر الخنا و سيفه بيمناه قطع النحر متلهف
و عالنحر من توسط سيفه و خلاه سيف الشمر ظل يرجف
هالسيف ظل يبكي على نحرك و دماك و على الجراح التنزف
بكت عليك عيون السيوف و ترابها بيت الطفوف في خطيك المعروف
تريب حسين
غريب يا حسين
عن جثتك يا حسين راسك فصلوه جسمك صريع مترب
تراب الارض يبكي على حالك خلوه موجه دماك تخضب
و الشمس من شافت وريدك قطعوه بالحزن ظلت تلهب
راسك براس الرمح لمن شالوه حتى الرمح ظل ينحب
جرت عليك دموع الرماح و بكتك بارقه السفاح يا من الى الارواح
عجيب حسين
غريب يا حسين
والدك يوم الحشر اهو الميزان و بكتفه حوض الكوثر
شلون انت مجمود بالطف عطشان كبدك ذبل و تخطر
نهر الفرات اليوم منك خجلان من كبدك يتعذر
خلوك يمه بلا غسل و لا اكفان مغسل بدم المنحر
ناحت عليك ظفاف الفرات دمع و موج جاريات و انت في الفلوات
خضيب حسين
غريب يا حسين
شعر: جابر الکاظمي
نغمه و نوحه: باسم کربلايي
|
